منصة الصباح

مالك عين

احساس الكلمة

شاعر البيضاء – محمد الجويفي

 

لا لك عين ولا لك جره ..

وينك غايب وينك وين

قايلك أكثر من مره ..

تغيب يغيب نظرها العين

معايا وفيا ذره بذره ..

فوله مقسومه نصين

ما يهني الخاطر ويسره ..

غير قربك يبقى يا زين

الوقت معاك بسرعه مره ..

عداده فوق الميتين

بلاك معاه موس وجره ..

ما عاد قدمله مترين

واليوم إن ما شفتك مره ..

علي نعاودلك ستين

جمالك واضح ما يتوره ..

لكن عنا قاصرين

أنا وفكري أوصلنا الماجره ..

عبث ما منك رينا اثنين

عينك نظرتا المنقره ..

صبتني رافع ليدين

زرتني يا طيبك زره ..

خذتني بسهوله وفي الحين

يا ولفي ولفك ما ضره ..

غير المرجا وفيض حنين

من كثر الدمع اللي جره ..

ريافه نبت ع الخدين

أزهار غريبه بالمره ..

سوده من كثر التخمين

ضاقتبه الجو معا بره ..

عليه تلاقن متفقين

راضيبك حتى بالمره ..

ورقمك واحد موش اثنين

والحاسد من حره وشره ..

تسلم يا بو قدر ثمين

وانتا لا طاري لاجره ..

انظر غايب انظر وين

كم مره قتلك كم مره ..

تغيب يغيب نظرها العين

 

شاهد أيضاً

مباريات الدربي

عبد الرزاق الداهش ——- قبل كل مباراة ديربي، ندخلُ في صداعٍ عن مكان المباراة، وتوقيتها، …