منصة الصباح الصباح، منصة إخبارية رقمية
مقالات مشابهة
دوائـــر
محمد علي الدنقلي ..
ما تحجب علي قمري ..
وما توا شفق خمري ..
وتجدل
هاك خوذ الريح هفهافه ..
مربوحه
معاها اسرح على اكتافه ..
وخليني نشوف امري ..
بالك من سناء هالخد ..
يمكن ينطفى جمري ..
يا نثار الليل ..
نثار الليل .. تليل ..
غروب الشمس غربني ..
نبي نصبح .. نبي نقيل ..
ونطفي شوق ذوبني ..
نخاف نحلم ونتخيل ..
عبيرك كيف لاعبني ..
ونتصور علي ميل ..
وخلى الشعر يكتبني ..
انت .. صح زي الليل ..
حريري ملمسه ، وهمسه ..
وصحيح وارف كما النخيل ..
ظله يسخر بشمسه ..
لكن .. خد بان جميل ..
نسيت إن المساء يمسى ..
قتله : يا نثار الليل …
خليني نشوف أمري ..
بالك من سناء هالخد ..
يمكنن ينطفى جمري ..
من ديوان الاول / نثار الليل
