منصة الصباح الصباح، منصة إخبارية رقمية
مقالات مشابهة
في عيونك
لو ما في عيونك كتبنا أشعار ..
ما الشعر يبقى يوم عنده معنى
من نظرة عيونك صار ياما صار
ورانا شرينا وما بالرخيصه بعنا
…
لو ماكتبنا الشعر فيها عيونك
هي عين من تستاهل نقولو فيها
ولو ما كتبنا العمر يفنى دونك
يبقى الغريب الراحل شمعتا يطفيها
فيهن هنانا ويبقى منانا فيهن ..
عيونك تعودنا نعيشو بيهن ..
وفي عمرنا مانقبلو خاطيهن ..
ولا ينتسن لا غيرهن يقنعنا
…
من نظرة عيونك كان هاللي كان ..
حكاية غلا عنوانها الحنين
وفي ضحكة عيونك إحساس بالأمان
يكبر معانا كل حين وحين
طايل شقانا كان ما نشوفوهن ..
عيونك اللي في غيابهن نبكوهن..
وأحوالنا في البعد لك نحكوهن ..
ضعنا بلاهن ياغلانا ضعنا
شعر / محمد الجويفي
