منصة الصباح الصباح، منصة إخبارية رقمية
مقالات مشابهة
بعد ظهوره في إعلان لشركة “شيبسي” إحدى الشركات التي أُدرجت في قوائم المقاطعة، ردّ الفنان تامر حسني، عبر صفحته على الفيسبوك، بمنشور أوضح فيه أسباب المشاركة.
وبدأ تامر حسني حديثه: “مساء الخير عليكم .. بقالي يومين بتابع اللي بيحصل و احتراماً للجميع .. انا بوضح حاجه بخصوص إعلان شيبسي الأخير. أولاً .. انا على قوة الشركة من سنتين قبل أي احداث و ده مش اول اعلان ده ثالث اعلان في عقدي ، معلش أحياناً الكلام عند بعض الناس بيبقى سهل و تحديداً لما بيكون بدون علم بالعقود و بحيثيات الموضوع كله”.
وأشار الفنان المصري، إلى أن شيبسي شركة مصرية: “انا مضيت على عقد مكتوب فيه ان شيبسي شركه مصريه و لها سجل تجاري ضريبي مصري منفصل و البند قدامكم اهوه لصدق كلامي”.
وعن القضية الفلسطينية، دافع تامر حسني عن موقفه مؤكدًا دعمه الدائم لها: “والاهم لاي حد بيشكك في انتمائي للقضية الفلسطينية هقوله انا من ٢٠ سنه و انا في ضهر القضية و مش كلام و أغاني بس لاااااا …. انا روحت بنفسي معبر رفح اثناء الضرب لمساندة اهالينا هناك بأكبر حملة معتقدش في حد هيخاطر بحياته و يروح بنفسه معبر رفح اثناء الضرب مجامله مثلاً”.
وختم الفنان تامر حسني، بقوله: “انا لما قررت أكون الوجه الإعلاني لشيبسى من سنتين لأنه منتج مصري كل المصريين بيحبوه والبطاطس من الفلاحة المصرية و بيتباع في مصر بس و اتربينا عليه و الأهم ان الشخص البسيط يقدر يشتريه في ظل ظروفنا الاقتصادية و اظن ده واضح في الإعلان .. ده كان شعوري الشخصي اتجاه الحملة وانا بمضيها من سنتين عشان كده كان واجب عليا التوضيح للجميع و للّي مش واصلاله الصورة بكل احترام .. و شكراً لكل اللي ردوا عني و هما مغمضين حقيقي انتوا نعمه كبيره من ربنا الف شكر و رمضان كريم على الجميع”.
