ألرئيسيةفنون

نفس اللهجة

احساس الكلمة

شاعر البيضاء

محمد الجويفي

 نفس اللهجه ونفس الدين ..

ونفس الوطن ومختلفين

ونقولو الوطن نحبوه ..

وين احنا من حبه وين .

بعيد بعيد عليه الحب ..

اللي هذا سياته كب .

الوطن يكون ابعزم ضناه ..

ابطيب وطرح وكل سماح

ونحن بالنار حرقناه ..

تمت لعبتنا لسلاح

اللي يحب بلاده يحفظها ..

ويخاف عليها م الضياع

وفي قلبه جوا يكتبها ..

ويبذل حد المستطاع

ليش رضيتو فيه العيب ..

حاله يشغل حال صعيب

شي عجيب شي غريب ..

ولد لبلاد يكون غريب .

شي عجيب ايبكي العين ..

الأخوه أعداء اليوم

وين تعدو بينا وين ..

ظلمتو والوطن المظلوم

… بالفعل وماهو بالقول ..

يكون دليلك يامسؤول ..

وكلتنا مسؤول وراعي ..

والدائن بكره يدان

لو ذراعك تشبك في ذراعي ..

نصافو نعلو البنيان .

ياخويا الوطن ينادينا ..

كثرو فينا الطامعين .

نفس اللهجه ونفس الدين ..

ونفس الوطن ومختلفين

ونقولو الوطن نحبوه

وين احنا من حبه وين .

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق