منصة الصباح

ما خاطري في شي ..

دوائر

محمد الدنقلي

جالس على الشط البعيد ..

وشابك اصباع ايدي ..

شن فايدة كثر الكلام ..

مهما وطا ، والاّ اعلي ْ ..

والناس ماهي سامعه .. غير القوي ..

اللي في الحقيقه مش قوي .

شن فايدة طيب لحلام ..

إن كانهي قبل الصبح ..

نكشف انها تكذب عليْ ..

ما خطري في شي ..

الا انا كوني حزين ..

والحزن محتاج لسبب ..

وأنا سبب حزني خفي ..

ومرات ما يهمش الناس ..

والناس ما تحب الدويْ .

ما خاطري في شي ..

إلاّ لوكان مواجعي تسكت اشويْ ..

 

شاهد أيضاً

“التعاون الدولي لتعزيز الشفافية”.. محور لقاء ليبي – بريطاني بطرابلس

الصباح استضافت طرابلس، لقاء مشترك حضره الممثل القانوني للهيئة الوطنية لمكافحة الفساد، ونائب السفير البريطاني …