منصة الصباح الصباح، منصة إخبارية رقمية
مقالات مشابهة
دوائــــر
شعر : محمد علي الدنقلي ..
انتحسس في كفوفي
بالكم نلقالكم
جرة سلام قديم
وانتلمس وسط جوفي
بالكي الصورالسمحة
قاعدة وسط الرديم
وقت ما كنا جميع
وقت لاقينا الربيع
وقت ما كنا انتوهم في القمر
کوره جديدة سابحة في الغيم
انتحسس في مسارب
في وطا يدي اللي
ماي ناسية لا توا
كيف كان حر سلامتكم
تسكت معاه الدوه
وانتلمس في دهاليز الفضاء
في خاطري من جوى
ما فيه غير جروح
لا حيل لي ولا قوة
جرح من قسو الحياه
وجرح من كثرالأساء
وجرح لا ابري ولا انتسی
وجرح ابتسم من سوه
وهاهو مكان ميعادنا
نار الغلا ماي خابية
وظل النخل دوار
مازال هوا . هوا
والشوق واخذ غاينه
والصبر فاتح کوه
وهاوين غناوة علم
إن قالت لكم
( مشيتوا بشوق العين
الله والنبي ما اتطولوا)
وهاوين غناوة اخرى
إن قالت خفاء
(ما من اللي في العقل
مردومه وكأني سرها)
من وقت ما كنا سواء
وقت الصباء
كنا اناغي في القمر
وهي بعيدة..
سابحة في الغيم
انتحسس في اكفوفي
بالكي .۰۰۰
