منصة الصباح

دوائر …

مستحيل ..

نبقوا حبايب .. مستحيل ..

مستحيل ..

بيني وبينك .. ألف ليل ..

أنتَ عارف .. قبل منّي ..

لو الدنيا بالتمنّي ..

ما نبي غيرك خليل ..

لكن أنتَ .. مستحيل ..

**

مستحيل ، والإستحاله .. أنتَ عارف .. الظروف ..

والهوى في غير أوانه ، والعذول ، والخوف ..

هل اتصدق يا حبيبي ..

إنّي ما نقدر نجيك ..

ولو تلاقينا في صُدفه .. بعيني ما نقدر نشوف ..

ولا انتبسّم من الفرحه ،

ولا كُفُوف تلمس كُفُوف ..

حُبنا مكتوب عليه .. إنَّا ما نزهاش بيه ..

وانتَ عارف .. قبل منّي .. لو الدنيا يالتمنّي ما نبي غيرك خليل ..

لكن انتّ .. مستحيل ..

**

شاهد أيضاً

مسرحية "الوصيد" مشاركة ليبية في مهرجان المنيا الدولي للعروض المسرحية

مسرحية “الوصيد” مشاركة ليبية في مهرجان المنيا الدولي للعروض المسرحية

أعلنت شركة تياترو الصعيد، المنظمة لمهرجان المنيا الدولي للعروض المسرحية في دورته الثالثة، القائمة النهائية …